Aguero nis mjekimin për zemrën, të paktën tre muaj larg fushave

Problemi në zemër për Agueron ka dalë me serioz nga sa u shpjegua në fillim nga mediat spanjolle. Lajmin e ka bërë të ditur vetë klubi i Barcelonës nëpërmjet një komunikate, ku ka treguar se Aguero do të nisë një proces terapia për tu shëruar sa më shpejtë.

Ai do të ndiqet nga doktori i ekipit, Brugada. Në komunikatë bëhet me dije se ai do të mungojë në ekip për të paktën 3 muaj. Mjekët do të vlerësojnë efektivitetin e terapisë që argjentinasi i është nënshtruar për të parë nëse do të ketë nevojë për më shumë kohë ose jo.

Kështu, momentit të keq të Barcelonës, i shtohet edhe dëmtimi i sulmuesit të tyre kryesor, Serigio Aguero. Ata kanë hedhur edhe një postim në rrjetet sociale ku përpiqen t’i japin kurajo sulmuesit. Në postim ishte fotografia e argjentinasit dhe shkruhej: “Forza Kun”. /oversport.tv