Barazim dramatike, me rezultatin 3-3 mes Celta Vigo dhe Barcelona. Iago Aspas ishte heroi i vendasve, në një ndeshje të çmendur në LaLiga. Katalanasit e nisën ndeshjen në mënyrë fantastike, pasi për pak më shumë se gjysmë ore lojë shënuan tre gola.
Talenti Ansu Fati e zhbllokoi ndeshjen që në minutën e pestë, me një gjuajtje brenda zonës, ndërsa më pas skenën e morën edhe Sergio Busquets dhe Memphis Depay, që e çuan ndeshjen në 0-3 për Barcelonën që drejtohej nga Sergi.
Fraksioni i dytë i lojës i befasoi të gjitha. Iago Aspas riktheu shpresën te Celta Vigo, pasi shënoi 10 minuta pasi nisi pjesa e dytë. Vendasit nuk kishin ndërmend të dorëzoheshin dhe Nolito e hapi takimin me golin e dytë.
Atëherë kur gjithçka po shkonte drejt fundit, Iago Aspas me një goditje në hyrje të zonës befasoi Barcelonën me golin e barazimit. Një çmenduri dhe konfirmim i krizës së katalanasve këtë sezon.
NDESHJA TJETËR – Festë edhe për Keidi Baren, i cili ishte titullar sot me skuadrën e Espanyol. Katalanasit triumfuan me rezultatin e pastër 2-0 kundër Granada. Pedrosa zhbllokoi ndeshjen, kurse më pas realizoi edhe Raul de Tomas.
Epërsia e dyfishtë e Espanyol ishte e vështirë për miqtë, që nuk ia dolën të reagojnë dot dhe në fund ishin të detyruar të pajtoheshin me humbjen. Skuadra e Bares me këtë fitore shkoi në kuotën e 17 pikëve dhe renditet në vendin e dhjetë.
LALIGA – JAVA 13
Espanyol-Granada 2-0
Shënues: Pedrosa 30’, de Tomas 42’
Celta Vigo-Barcelona 3-3
Shënues: Aspas 52’, 96’, Nolito 74’ / Fati 5’, Busquets 18’, Depay 34’
/ oversport.tv
