Brooklyn Nets bie në transfertë, hapa fals edhe për Milwaukee dhe Utah Jazz

Brooklyn Nets janë ndalur sërish në NBA, pasi janë mposhtur në transfertë nga Portland Trail Blazers me rezultatin 114-108. Kevin Durant dhe Kyrie Irving nuk ia dolën dot të ndihmonin ekipin edhe pse të dy së bashku shënuan pothuajse gjysmat e pikëve (50 pikë).

Humbja e tretë radhazi për Utah Jazz që u mposht nga Detroit Pistons 126-116. Më shumë pikë shënoi Donovan Mitchell (31 pikë), por peshën më të madhe në këtë ndeshje e patën dy lojtarët e Detroit, Bey dhe Cunningham  që shënuan nga 29 pikë secili.

Bie edhe Milwaukee Bucks në shtëpinë e Charlotte Hornets me rezultatin 103-99. Ndërkohë që New York Knicks kanë mundur në shtëpi 111-96 San Antonio Spurs.

Fitore edhe për Boston Celtics ndaj Indiana Pacers me rezultatin 101-98, ndërsa Philadelphia 76ers fitoi ndaj Houston Rockets 111-91. Vetëm 1 pikë më shumë mjaftoi për Cleveland Cavaliers për të mposhtur Sacramento Kings me rezultatin 109-108. /oversport.tv