CEV Champions League, Dinamo Moscow mposht Ziraat dhe merr kreun

Nis në mënyrën më të mirë viti 2022 për Dinamon e Moskës në Champions League. Skuadra ruse mundi pastër 3-0 në transfertë rivalët e Ziraat Bankasi.

3 herë kampionët e këtij kompeticioni ishin të parivalizueshëm në transfertë ndërsa arritën të mbyllnin llogaritë e kësaj përballjeje në vetëm 70 minuta. Supermacia e Dinamos u shfaq që në setin e parë  cili u fitua 25-12.

Në të dytin turqit reaguan disi por sërish ishin shumë larg nivelit të kundërshtarëve duke u mundur 25-20 ndërkohë që edhe seti i tretë nuk kishte histori.

25-14 dhe krejt takimi 3-0 me një Denis Bogdan  të papërmbajtshëm që udhëhoqi skuadrën ruse drejt suksesit të rëndësishëm.

Me këtë fitore , Dinamo e Moskës i rrëmben Ziraat Bankas-it vendin e parë dhe hedh një hap të rëndësishëm drejt kualifikimit. / oversport.tv