Djokovic mposht Ruud në finale dhe fiton titullin e 6-të në Torino

Novak Djokovic shkruan një tjetër faqe të lavdishme në historinë e tenisit, pasi triumfon në ATP Finals të Torinos dhe fiton këtë turne për herë të gjashtë në karrierë.

Serbi ka mposhtur në finale 2-0 (7-5, 6-3) Casper Ruud dhe mbyll si i pamposhtur javën e tij torineze. Me 1500 pikët e fituara Nole ngjitet në vendin e 5-të në renditjen dhe fiton 4.7 milionë dollarë nga ky turne.

Djokovic fiton në Torino pas 7 vitesh dhe arrin Federer me 6 tituj të fituar në këtë turne. /Oversport.tv