El Clasicon e merkatos verore për Arda Guler e fiton Reali. Talenti turk tashmë është zyrtarisht lojtari më i ri i Real Madridit. Lajmin e ka bërë të ditur vetë klubi madrilen me anë të një postimi në faqen zyrtare.
Në të thuhet se Reali dhe Fenerbahce kanë arritur një marrëveshje për Guler, i cili do të firmosë një kontratë që do ta mbajë të lidhur për gjashtë sezonet e ardhshme.
Guler do të prezantohet përpara mediave të premten e 7 korrikut, ku do të zhvillojë edhe një konferencë për shtyp. Kështu Reali fiton “El Clasicon” për Guler i cili po kërkohej me ngulm edhe nga Barcelona. Për talentin turk interesohej gjithashtu edhe Milani. /oversport.tv
Comunicado Oficial: Arda Güler.#RealMadrid | #WelcomeArda
— Real Madrid C.F. (@realmadrid) July 6, 2023
Foto: Real Madrid C.F. Twitter
