Janë mbyllur ndeshjet e ditës së 7-të të Kampionatit Europian të Volejbollit për meshkuj. Serbia ka mposhtur 3-2 Greqinë në Grupin A.
Kampionët në fuqi të Europës mbyllin ndeshjet e grupeve dhe presin rezultatin e Polonisë, për të parë nëse do ruajnë vendin e parë. Ukraina ka fituar 3-1 sfidën ndaj Belgjikës në takimin tjetër të këtij grupi.
Sllovenia ka fituar 3-0 përballjen direkte ndaj Bullgarisë dhe falë këtij suksesi është ngjitur në vendin e dytë në Grupin B, duke siguruar kualifikimin në turin tjetër të turneut.
Republika Çeke gjithashu kalon në raundin tjetër të Kampionatit Europian pas fitores 3-0 ndaj modestëve të Malit të Zi.
Në Grupin C janë përcaktuar skuadrat që do të vazhdojnë rrugën në këtë kompeticion. Rusia dhe Finlanda i bashkohen Turqisë dhe Holandës, që ishin të kualifikuara.
Eliminohen Spanja dhe Maqedonia e Veriut, që nuk lanë gjurmë në këtë edicion të këtij eventi.
Gjermania fiton 3-1 ndaj Letonisë dhe siguron një vend në turin tjetër. Kroacia mposhti 3-2 Estoninë në ndeshjen tjetër të Grupit D.
