Gjysmëfinale ëndrrash në Roland Garros, Djokovic sfidon Alcaraz për një vend në finale

•07/06/2023
•

Një gjysmëfinale ëndrrash do të zhvillohet në Roland Garros, pasi të premten Novak Djokovic do të sfidojë Carlos Alcaraz për një vend në finalen e madhe të turneut francez.

Vuan, por kualifikohet në gjysmëfinale serbi që mposhti ditën e djeshme me rezultatin 3-1 (4-6, 7-6, 6-2, 6-4) rusin Karen Khachanov në një sfidë që zgjati 3 orë e gjysmë. Në çerekfinalen tjetër Carlos Alcaraz, numri një në renditjen botërore mundi lehtësisht 3-0 (6-2, 6-1, 7-6) grekun Stefanos Tsitsipas.

E vetmja përballje mes Djokovic dhe Alcaraz (gjysmëfinale në Madrid në vitin 2022) është fituar nga tenisti spanjoll. Sot do të luhen edhe 2 ndeshjet e mbetura çerekfinale të Roland Garros, përballjet Zverev-Etcheverry dhe Ruud-Rune, që do të përcaktojnë edhe çiftin e dytë gjysmëfinalist. / Oversport.tv