Golat “peshojnë”, Elio Toçi i bashkohet Shqipërisë U21 për sfidën ndaj Sllovenisë

Shqipëria U-21 ka nisur menjëherë nga puna për përgatitjen e ndeshjes së radhës ndaj Sllovenisë, pas fitores 2-0 të enjten ndaj Andorrës.

Ekipi i drejtuar nga Alban Bushi ka zhvilluar të premten një seancë të lehtë stërvitore, ndërsa do të zhvillojë edhe ditën e sotme një tjetër stërvitje.

Departamenti i Komunikimit në FSHF bën me dije se ekipit të Shpresave i është bashkuar këtë të shtunë edhe futbollisti shqiptar që aktivizohet në radhët e Fiorentinës, Eljo Toçi.

Ai ishte pjesë e grumbullimit me ekipin e 19 vjeçarëve, që drejtohet nga Armando Cungu ndërsa ditën e djeshme luajti edhe në miqësoren e parë të planifikuar ndaj Malit të Zi, teksa shënoi një dy golësh, duke qenë një protagonistët kryesorë të skuadrës kuqezi.

Shqipëria U-21 luajti dy ditë më parë ndaj Andorrës në “Elbasan Arena”, ndeshjen e vlefshme për kampionatin Europian 2023, ku fitoi me rezultatin 2-0, ndërsa do të zhvillojë edhe një tjetër sfidë ndaj Sllovenisë, në po të njëjtin stadium ditën e hënë në ora 18:30. /Oversport.tv