Gravina e thotë hapur: Italia jonë zero shanse të shkojë në “Katar 2022”

FIFA ka nisur një proces disiplinor ndaj Ekuadorit, pas ankimimit të Kilit. Në Itali nisën të ëndërronin se do të përfitonin një biletë nga FIFA, nëse kombëtarja e Amerikës së Jugut përjashtohet.

Gjithsesi tashmë është e qartë se nuk do të ketë shanse për Italinë dhe këtë e thotë vetë presidenti i FIGC, Gabriele Gravina.

“Zero shanse ka të shkojmë në Botëror nëse përjashtohet Ekuadori. Europa i ka 13 vende në dispozicion dhe i ka plotësuar. Nëse lirohet një vend nga Amerika e Jugut, shkon një kombëtare tjetër e saj.

Kemi kontaktuar me FIFA-n dhe përgjigja ishte absolutisht negative. A do donin ta kishin Italinë në Katar? Edhe ne do të donim, por rregullat janë këto dhe ne u eliminuam”, është shprehur Gravina. / oversport.tv

Foto: FIGC Twitter