Kampionati italian është etiketuar gjithmonë si ai ku skuadrat mendojnë vetëm për mbrojtjen, por faktet tregojnë të kundërtën.
Ato janë kokëforta dhe nuk të lënë të gabosh. Në javën e 6-të të Serisë A janë shënuar plot 35 gola, pra mesatarisht 3.5 gola për ndeshje.
Kjo gjë do të thotë se sfidat kanë qenë spektakolare dhe të luftuara si Lazio-Roma 3-2, Inter-Atalanta 2-2 apo Juventus-Sampdoria 3-2. Trajnerët luajnë më hapur, ekipet e vogla janë rritur dhe kanë fituar cilësi të shumta.
Në vendin e dytë renditet kampionati francez me 30 gola, mesatarisht 3 për ndeshje, pastaj podiumin e kap Premier League me 2.7 gola për ndeshje.
Bundesliga me 2.4 gola dhe Spanja me 21 gola mbyllin renditjen e top 5 kampionateve kryesorë në Europë. Harrojeni mbrojtjen, Seria A është spektakolare dhe këtë spektakël mund ta ndiqni në Oversport.
JAVA E FUNDIT
Serie A – 35 gola (3.5 gola/ndeshje)
Ligue 1 – 30 (3 gola/ndeshje)
Premier League – 27 gola (2.7 gola/ndeshje)
Bundesliga – 22 gola (2.4 gola/ndeshje)
La Liga – 21 gola (2.1/gola/ndeshje)
/ oversport.tv
