Ka përfunduar aventura e Eduardo Berizzos në krye të pankinës së Paraguajit. Shkarkimi i trajnerit argjentinas ka ardhur pas humbjes së thellë 4-0 që skuadra paraguajane pësoi në La Paz përballë Bolivisë, në ndeshjen e vlefshme për kualifikueset e Kupës së Botës, Katar 2022.
Ish-trajneri e mbyll aventurën e tij në krye të Paraguajit pas 31 ndeshjesh të zhvilluara, ku ka arritur 7 fitore, 13 barazime dhe 11 humbje. Një ecuri negative që i kushtoi vendin e punës dhe që rrezikon kombëtaren paraguajane që të mbesë jashtë Botërorit të ardhshëm.
Aktualisht, Sanabria dhe shokët e tij zënë vendin e 8-të në renditje, me 12 pikë të grumbulluara në po aq ndeshje të luajtura. Gjithsesi diferenca me Uruguain dhe Kolumbinë, që qëndrojnë në vend të pestë me pikë të barabarta, është vetëm 4 pikë. /Oversport.tv
La APF comunica que se dan por terminadas las funciones de Eduardo Berizzo al frente de la Selección Paraguaya Absoluta.
Le deseamos el mejor de los éxitos. Informamos que los próximos días se comunicarán los integrantes de la nueva conducción técnica de nuestra querida Albirroja pic.twitter.com/VJ9dhFcEbl— APF (@APFOficial) October 15, 2021
