Ibra mbush 40 vjeç! Një karrierë plot tituj e gola, por një trofe që mungon

Zlatan Ibrahimovic mbush sot 40 vjeç. Gjigandi suedez, që ka lënë shenjën e tij me të gjitha klubet ku ka luajtur, është padyshim një nga sulmuesit më të mirë të të gjitha kohërave.

565 gola të shënuar në 954 ndeshje të luajtura, deri më tani, pasi Zlatan vazhdon të jetë një pikë referimi për Milanin dhe synon të fitojë sa më shumë trofe me skuadrën kuqezi.

Malmo, Ajax, Juventus, Inter, Barcelona, Milan, PSG dhe Manchester United janë skuadrat me të cilat ka luajtur bomber suedez në kontinentin europian dhe tek të gjitha ka lënë firmën e vet, duke shënuar një mal me gola.

Janë të shumtë trofetë që ka fituar Ibra, por ëndrra mbetet Champions League, të cilën nuk ka mundur ta fitojë, ndonëse ka luajtur me klubet më elitare të kontinentit. / Oversport.tv