Interi ndryshon strategji, tashmë mund të largohet Dumfries, Sanchez drejt Francës

Tek Interi po studiohet mundësia për të ndryshuar një strategji në merkato. Këtë herë Skriniar është pranë rinovimit me zikaltrit, ndërsa lojtari i sakrifikuar pritet të jetë Denzel Dumfries.

Ky i fundit po kërkohet me ngulm nga Manchester United. Zikaltrit sakaq kërkojnë rreth 40 milionë euro për të lënë të lirë mbrojtësin holandez. Nga ana tjetër, shumë e arkëtuar nga shitja e Dumfries do të plotësohente ngërçin ekonomik të lënë tek Interi nga mungesa e shitjes së Skriniar.

Gjithashtu Beppe Marotta është shumë pranë largimit të një tjetër sulmuesi. Bëhet fjalë për Alexi Sanchez i cili është bindur për një transferim drejt Marseille. Megjithatë, fillimisht duhet të arrihet marrëveshja mes lojtarit dhe Interit për pagesën që Sanchez kërkon për prishjen e kontratës. /oversport.tv