Simone Inzaghi ka folur për mediat në prag të finales së Champions League, që Interi do të luajë kundër Manchester City këtë të shtunë.
“Ishte një udhëtim i gjatë. Tani jemi në finale, ka qenë një udhëtim i jashtëzakonshëm që nisi që vitin e kaluar. Dzeko apo Lukaku? Nuk e kam vendosur për sulmin, nuk kam vendosur për mesfushën, as për mbrojtjen. Në këto momente, ashtu si gjatë 2 muajve të fundit, kam mundësinë të zgjedh. Kjo është gjëja më e mirë që mund ti ndodhë një trajneri.
E dimë që kemi përballë skuadrën më të fortë në botë, që ka fituar 5 herë Premier League në 6 vitet e fundit. duhet të jemi të kujdesshëm dhe bëjmë një ndeshje si skuadër, e dimë që do të kemi përballë më të mirët. Në futbollin modern është koha para dhe pas Guardiolës. Ata kanë fituar dy tituj, por edhe ne gjithashtu. E dimë kë kemi përballë, por edhe ne e kemi merituar finalen”, ka thënë mes të tjerash trajneri i Interit. / Oversport.tv
