Trajneri i Interit, Simone Inzaghi ka zhvilluar konferencën rutinë përpballë gazetarëve. Në prag të sfidës me Sassuolon që do të luhet të shtunën në darkë trajneri zikaltër u shpreh i qetë për atmosferën që mbizotëron në ekip pas barazimit zhgënjyes ndaj Shakhtar Donetsk.
I pyetur mbi vështirësinë e ndeshjes që e pret në Mapei Stadium ai u shpreh: “Nuk do të jetë një ndeshje e lehtë. Është ndeshja e shtatë në njëzet ditë dhe do të ketë pak përpjekje fizike dhe mendore. Ne po përballemi me një ekip të mirë, do të duhet Interi më i mirë për të marrë një rezultat pozitiv.”
“Sot është dita e parë që do të kem ekipin e plotë dhe do të vlerësoj, do të flas me djemtë për të parë se si janë fizikisht”.
Ndërkohë përsa i përket financave problematike që ekipi zikaltër ka, Inzaghi u përpoq ti qetësonte të gjithë: “Bilanci është një gjë shumë e rëndësishme. Tashmë në Ukrainë ne silleshim mirë në nivelin mbrojtës, ndoshta e kemi shprehur lojën tonë më pak por me pak cinizëm do ta kishim sjellë një fitore në shtëpi”.
“Unë jam i qetë, por nuk jam personi më i mirë për të folur për financat. Unë mendoj se kompania ka qenë e mirë në sigurimin e vetes, buxheti i vitit të ardhshëm do të jetë më i mirë. Mjedisi është i qetë, pagat kanë ardhur rregullisht dhe ka besim në të ardhmen “.
Mbi mungesat e golave në Champions League, ai e konsideroi vetëm si një rastësi: “Me Real Madridin ne kemi krijuar shumë, mendoj se golat zero të shënuar në Ligën e Kampionëve janë vetëm rezultat i rastësisë”.
Ai u pyet edhe për formën jo të mirë të Calhanoglu: “Unë jam shumë i kënaqur me Calhanoglu, ai kombinon cilësinë me sasinë. Unë kam shumë lojtarë në atë pozicion. Në ndeshjen kundër Atalanta më pëlqeu, ai bëri atë që i kërkova. Ndonjëherë në kohë të ndryshme mund të bëj zgjedhje të ndryshme “.
Trajneri zikaltër e mbylli konferencën duke i dhënë garanci edhe portierit Handanovic: “Nuk ka problem me Handanovic, ai është kapiteni ynë dhe një nga drejtuesit e dhomës së zhveshjes. Ai është një portier i madh që do të jetë një pasuri për Interin për shumë vite”. / oversport.tv
