“Jo vetëm shi me shishe”, polakët nxjerrin zbuluar tifozët rebelë të Shqipërisë

Shqipëria u mposht një ditë më parë nga Polonia dhe ndër të tjera tërhoqi vëmendjen sjella e tifozëve, që pas goli të miqve lëshuan një “shi” me shishe plastike në fushë.

Lojtarët polakë po festonin dhe u surprizuan nga tifozët në tribunën pas porte, çka detyroi arbitrin ta ndalte ndeshjen për disa minuta dhe të paralajmëronte se do të ndërpritej nëse përsëritej e njëjta gjë.

Nga ekrani u panë vetëm shishe që fluturonin mbi kokat e lojtarëve, por nuk janë kursyer as çakmakët. Madje ka pasur edhe aventurierë që kanë gjuajtur edhe telefonin e tyre.

Që askush të mos ketë dyshime, gazetari polak Szymon Borczuch ka publikuar edhe provat me foto. / oversport.tv