Jurgen Klopp ka mbajtur konferencën për shtyp përpara supersfidës Liverpool-Manchester City duke kërkuar nga lojtarët e tij të bëjnë çmos për të fituar.
I pyetur mbi golat e shumë të shënuar këtë sezon ai tha: “Nuk e di, nuk mund të krahasoj. Mendova se ne shënuam mjaft gola në vitet e fundit, kështu që nuk mendova se kemi shënuar më shumë tani, madje as nuk e di këtë. Ne shënuam disa gola, kjo është e vërtetë, por unë e di gjithashtu se kemi humbur shumë raste në atë periudhë, kështu që është e qartë. Por nuk jam i sigurt nëse duhet ta presim këtë tani kundër City. Ne jemi në një formë të mirë, kjo është e sigurt. Jemi në një moment të mirë. Kjo është ajo që duhet të jesh për të patur një shans kundër tyre. Ata janë për mua, ndoshta skuadra më e mirë në Europë për momentin.”
Përsa i përket faktit se Liverpool është ende i pamposhtur këtë sezon ai tha: “Po, një barazim padyshim që do të nënkuptonte që ne do të ishim të pamposhtur. Le të luajmë dhe më pyesni pas ndeshjes. Deri tani fillimi është padyshim i mirë, por nuk është se ne jemi shumë të lumtur dhe mendojmë se nuk mund të kishim bërë më mirë akoma. Pra, është vetëm fillimi dhe ne duhet të vazhdojmë të mbajmë rritmin.
Unë e di nëse do të fitonim, do të mendoja, ‘OK, tani duket si një fillim i duhur.’ Por unë mendoj se është Watford pas pushimit ndërkombëtar, pastaj është Atletico dhe më pas Man United, kështu që kjo është java e nëntë e kampionatit. Unë nuk jam shumë i interesuar për fillimin, unë thjesht dua të luaj sezonin më të mirë që mund të luajmë.”
Ndërkohë mbi mundësinë që James Milner të luaj si mbrojtës i djathtë ai nuk i kurseu batutat:
“Nuk jam i sigurt nëse James i di tashmë të gjitha pozicionet që mund të luajë. Ai nuk e pëlqen atë pozicion, por ai e luan atë jashtëzakonisht mirë, sepse ai është një futbollist i zgjuar dhe i pëlqen të përfshihet në lojë. Ne nuk e kemi marrë ende vendimin, por nëse ai luan atje, ai e bënë vërtet mirë atë pozicion dhe kjo është e vërtetë.” / oversport.tv
