Kukësi-Tirana 2-0 (Johnson 32’, Bytyçi 58’)
Kukësi ka arritur të marrë një fitore të madhe, duke mundur Tiranën me rezultatin e pastër 2-0. Për verilindorët shënoi Johnson në pjesën e parë, dhe golin vendimtar e finalizoi Bytyçi.
Me këtë fitore verilindorët dalin momentalisht nga zona e ftohtë e “Abissnet Superiore”. Nga ana tjetër kryeqytetasit njihen sot me humbjen e parë të vitit 2023 dhe lëkundin vendin e parë të kampionatit.
90+5’ Kukësi niset në kundërsulm me Ndrecën, por mbrojtja bardheblu largon topin
90’ Gjyqtari ka akorduar 6 minuta shtesë
87’ Mbetet në fushë i dëmtuar mbrojtësi i verilindorëve, Ebert
83’ Super mundësi për Tiranën me Hilën, por goditja e mesfushorit shkon ngjitur me shtyllën
81’ Hasani kroson në zonë, por goditja e Nikqit me kokë përfundon jashtë
76’ Tirana mbetet në sulm me shpresë për të shënuar
71’ Ka mbetur i dëmtuar në fushë mbrojtësi i Kukësit, Edison Ndreca
67’ Super mundësi për Kukësin. Gabriel Barbosa nuk arriti të shfrytëzonte një krosim, të cilin e dërgoi me kokë jashtë
62’ Tirana pretendon për 11-metërsh. Abazaj duket se ka marrë një goditje nga mbrojtja e Kukësit
View this post on Instagram
58’ GOOOOOOOL! Kukësi dyfishon shifrat dhe shpërthen në festë. Me një goditje nga këndi, verilindorët shënoi me Bytyçin me kokë
56’ Gabriel Barbosa ndërhyn ndaj Najdovskit dhe ndëshkohet me karton të verdhë
52’ Tirana provon me Gjumsin, por goditja e tij devijohet nga mbrojtja e Kukësit
48’ Kukësi nis vrullshëm, por topi largohet nga zona prej portierit Bekaj
46’ Nis pjesa e dytë e Kukësi-Tirana
Përfundon pjesa e parë me Kukësin në avantazh ndaj Tiranës me shifrat 1-0
45’ Gjyqtari akordon 2 minuta shtesë
41’ Patrick provon të dalë përpara, por sulmuesi brazilian ndalet nga mbrojtja verilindore
35’ Tirana pranë barazimit me Deliun i cili godet me kokë, por Halimi bën një pritje vendimtare
View this post on Instagram
32’ GOOOOOOOOL! Kukësi kalon në avantazh me një gol të shënuar nga Johnson, me topin që kaloi vijën fatale
31’ Kukësi kundërpërgjigjet me Abdou i cili godet në portë, por Bekaj devijon topin në momentin e fundit
29’ Mundësi e mirë për Tiranën me një goditje dënimi e ekzekutuar nga Hasani, por Halimi reagon mjaft mirë
24’ Kukësi provon me Johnson, i cili jep një goditje qendrore në portën e Tiranës, por u ndal nga Bekaj
22’ Mundësi e mirë për Tiranën me Patrick, i cili tenton portën e Kukësit, por topi bllokohet nga mbrojtja kundërshtare
17’ Ka mbetur i dëmtuar sulmuesi i Tiranës, Patrick, pas një përplasje
15’ Kukësi provon me Gjelbrim Taipin nga një goditje dënimi, por tentativa e kapitenit përfundon mbi traun e portës
11’ Tirana jep shkëndijën e parë me Hilën i cili godet portën, por Halimi ndal tentativën duke e dërguar në këndore
8’ Patrick provon të dërgojë një top në zonë, por largohet nga mbrojtja verilindore
5’ Tirana jep rastin e parë me Hasanin, por goditja e tij më kokë përfundon jashtë
1’ Starton sfida mes Kukësit dhe Tiranës
Kukësi pret Tiranën për javën e 19-të të “Abissnet Suepriore”, ndeshje e cila transmetohet live në Oversport dhe Tibo. Vendasit vijnë në këtë sfidë me pozitivitet, të cilët morën një fitore kundër Egnatias me shifrat 2-1.
E njëjta situatë dhe për Tiranën që nuk njeh humbje në vitin 2023 dhe sot kërkon të marrë fitoren e radhës dhe për të vazhduar garën për titullin kampion.
Formacionet zyrtare:
