Laçi-Tirana 1-2 (Shkurtaj 2’ / Lulaj 49’, Hasani 47’)
Tirana nis në mënyrën më të mirë vitin 2023, pasi mposht me përmbysje Laçin 2-1 në transfertë. Kurbinasit kalojnë të parët në avantazh me Shkurtajn, por bardheblutë barazojnë shifrat në fund të pjesës së parë me Lulajn dhe në të dytën përmbysin gjithçka me Hasanin. Tirana ngjitet në kuotën e 28 pikëve, një më pak se kryesuesit e Partizanit, që luajnë ndaj Vllaznisë në orën 16:00.
90’ Akordohen 4 minuta shtesë
89’ Limaj i afrohet golit të tretë, por Dajsinani është në superformë dhe i mohon golin lojtarit bardheblu
82’ Laçi është hedhur në sulm në kërkim të golit të barazimit, ndërsa Tirana administron avantazhin dhe zbret rrezikshëm në kundërsulm
66’ Tirana i afrohet sërish golit me Nikqin, por Dajsinani devijon goditjen e tij në këndore
60’ Është rritur ndjeshëm ritmi i lojës, të dyja skuadrat janë hedhur në sulm dhe loja është bërë mjaft e bukur
55’ Rrezikon sërish Tirana me Hasanin, por Dajsinani i mohon golin sulmuesit bardheblu
47’ GOOOOOOOOL Tirana përmbys gjithçka sapo nis pjesa e dytë. Hasani rrëmben një top në mesfushë dhe realizon një supergol
View this post on Instagram
46’ Nis pjesa e dytë në Laç
Mbyllet në barazim 1-1 pjesa e parë në Laç. Vendasit zhbllokojnë menjëherë sfidën me Shkurtaj, por pardheblutë arrijnë të barazojnë gjithçka në minutat shtesë falë golit të Lulajt.
49’ Në aksionin pasardhës, Lulaj përfiton nga një rrëmujë në zonë dhe dërgon topin në rrjetë. 1-1
View this post on Instagram
48’ Hasani lëshon një predhë nga distanca, por Dajsinani fluturon dhe i mohon golin e barazimit Tiranës
45’ Akordohen 4 minuta shtesë
41’ Tirana i afrohet golit të barazimit me Patrick, por Dajsinani bën mrekullinë dhe devijon në këndore
36’ Tirana sulmon me forca të shumta, ndërsa Laçi zbret rrezikshëm në kundërsulm. Por nuk ndryshon rezultati i vulosur në minutën e 2-të të takimit
30’ Tirana i afrohet golit të barazimit me Hilën, por goditja e tij me kokë përfundon mbi traversë
21’ Mundësi e artë e Laçit për të shënuar golin e dytë. Kurbinasit zbresin rrezikshëm në kundërsulm, Adeleke pason për Shkurtaj që me portën e boshatisur bën më të vështirën dhe dërgon topin jashtë
20’ Tirana mundohet të reagojë pas golit të pësuar dhe ka shtuar presionin në zonën e Laçit. Bardheblutë pretendojnë një penallti për një prekje topi me dorë në zonë, por për gjyqtarin Koçi loja duhet të vazhdojë
16’ Mundësi e artë për Laçin për të dyfishuar avantazhin. Shkurtaj futet në zonë dhe godet, por gjuajtja e tij devijohet në këndore
11’ Tenton edhe Hasani me një goditje nga distanca, por gjuajtja e tij përfundon jashtë kuadratit
10’ Tirana i afrohet golit të barazimit me Patrick, por gjuajtja e tij largohet nga mbrojtësit kurbinas
5’ Është ndalur loja për disa minuta pasi është dëmtuar një lojtar i Tiranës dhe po i jepet ndihma mjekësore
View this post on Instagram
2’ GOOOOOOOOOL Laçi zhbllokon menjëherë sfidën me Vasil Shkurtajn, që përfiton nga një gabim në mbrojtje dhe dërgon topin në rrjetë
1’ Starton ndeshja në Laç
Një test i vështirë i pret kampionët e vendit, që do të nisin vitin 2023 në transfertë përballë Laçit. Vendasit kërkojnë tre pikët që ti afrohen zonës europiane, ndërsa bardheblutë fitoren që të mos humbasin kontaktin me kryesuesit e Partizanit.
Formacionet zyrtare:
