Kukësi kryeson kampionatin pas tre javësh dhe të dielën do të luajë kundër Teutës, kampiones në fuqi. Verilindorët nuk do të kenë për këtë ndeshje mbrojtësin Bruno Lulaj.
Ai u ndëshkua kundër Laçit me karton të kuq, ndërkohë që nga ana tjetër drejtuesit e klubit kanë vendosur që hyrja në stadium për duelin ndaj durrsakëve të jetë pa bileta.
Klubi i Kukësit ka dalë edhe me një komunikatë për vendimin e marrë nga drejtuesit: “Skuadra ka zhvilluar sot stërvitjen e radhës në prag të ndeshjes së javës së katërt ndaj Teutës.
Ekipi ishte i plotë nën urdhrat e trajneri Diego Longo, teksa mungesa e vetme për ndeshjen ndaj Teutës, është ajo e Bruno Lulajt që u ndëshkua me karton të kuq ndaj Laçit.
Ndeshja mes Kukësit dhe Teutës do të zhvillohet në stadiumin “Elbasan Arena” ditën e diel duke nisur nga ora 16:45. Presidenca ka vendosur që hyrja në stadium të jetë pa bileta për tifozët”. / oversport.tv
