Liga nuk ka anuluar zyrtarisht ndeshjen, Udinese do të paraqitet në fushë

Për momentin Liga Serie A nuk ka bërë një njoftim zyrtar në lidhje me ndeshjen Udinese-Salernitana.

Takimi mbetet për tu zhvilluar sot në orën 18:30 dhe mund të ndodhë si vitin e kaluar në sfidën Juventus-Napoli.

Nëse nuk ka një njoftim, Udinese do të zbresë në fushë dhe do të presë për 45 minuta ardhjen e skuadrës mike, para se të zyrtarizohet mos-zhvillimi i ndeshjes dhe më pas do të jetë komisioni i disiplinës që do ti japë fitoren në tavolinë.


kliko mbi imazh për më shumë informacione rreth Mega Shorteut Tibo

Sipas ANSA, Udinese do të paraqitet në fushë sot në orën 18:30 në “Dacia Arena”. Ndonëse nuk ka një njoftim zyrtar, burimet pranë skuadrës konfirmojnë se Udinese do të paraqitet në stadium.

Është akoma e paqartë situata në lidhje me këtë sfidë dhe në orët në vazhdim do të kuptohet se çfarë do të ndodhë. / Oversport.tv