Ligji nuk është njësoj për të gjithë, Djokovic do të jetë në Australian Open

Në fund fitoi ai. Novak Djokovic do të marrë pjesë në turneun Australian Open, falë një lejeje speciale të dhënë nga qeveria e Canberra.

Ka qenë vetë tenisti serb që ka dhënë lajmin gjatë nisjes për në Melburn, ndonëse nuk do të respektojë masat e vendosura si pasojë e covidit.

“Gëzuar vitin e ri të gjithë. Iu uroj shëndet, dashuri dhe lumturi. Kam kaluar momente fantastike me njerëzit e mi të dashur gjatë pushimeve dhe tashmë po nisem për në Australi, falë një lejeje speciale”, ka shkruar numri një në renditjen botërore në Instragram.

Kampioni në fuqi i turneut ka marrë një leje speciale nga autoritetet australiane, që duan certifikatë vaksinimi për tu futur në vend dhe nga organizatorët e turneut, që kërkojnë që tenistët të jenë të vaksinuar.

Djokovic ka refuzuar të tregojë nëse është i vaksinuar apo jo, por në këtë moment nuk ka më dyshime në lidhje me këtë temë. / Oversport.tv