Lajme të këqija për Antonio Conten në prag të sfidës kundër Milanit në Champions League. Tottenham humbet për rreth një muaj portierin titullar mese Hugo Lloris.
Sipas mediave angleze gardiani i Spurs duhet të kryejë një ndërhyrje në gju dhe detyrohet që të qëndrojë jashtë fushës së blertë për 6 deri në 8 javë. Lloris do të mungojë në dy ndeshjet kundër Milanit në Champions, që janë programuar të luhen në 14 shkurt dhe 8 mars.
Në vend të tij, portën e Tottenham do ta mbrojë 34-vjeçari Fraser Forster, portieri i dytë i anglezëve, që këtë sezon ka luajtur gjithsej në 4 takime (1 në kampionat, 2 në kupën FA dhe një në Kupën e Ligës). Edhe Milanit do ti mungojë portieri Maignan në këtë takim. / Oversport.tv
