Janë përcaktuar oraret dhe data e ndeshjeve të Play Off-it dhe Play Out-it në Kategorinë e Parë. Skuadrat që u renditën nga vendi i tretë deri në vendin e 6-të do të luajnë në Play Off me njëra-tjetrën për të përcaktuar ekipin që do të shkojë në finalen e madhe kundër skuadrës që do të mbyllë sezonin në vendin e 8-të në Superiore.
Korabi dhe Apolonia do të luajnë në shtëpi sfidat respektive kundër Tomorit dhe Tërbunit të shtunën e 14 majit në orën 16:00, sepse u renditën më lart në klasifikim gjatë sezonit të rregullt.
Të shtunën në orën 15:00 do të luhen edhe 2 sfidat e Play Out-it të Kategorisë së parë. Në Peqin do të luhet sfida Pogradeci-Oriku, ndërsa në Durrës ndeshja mes Turbinës dhe Devollit.
Në të njëjtën ditë do të luhet në Lushnjë edhe sfida Gramozi-Delvina, fituesi i të cilës do të luajë në Kategorinë e Dytë sezonin e ardhshëm. / Oversport.tv
Play-Off: Kategoria e Parë:
Korabi-Tomori ora 16:00
(Stadiumi i Korabit) – Peshkopi
Apolonia-Tërbuni ora 16:00
(Loni Papuçiu) – Fier
Play-Out: Kategoria e Parë:
Pogradeci-Oriku ora 15:00
(Stadiumi i Shkumbinit) – Peqin
Turbina-Devolli ora 15:00
(Niko Dovana) – Durrës
Play-Out: Kategoria e Dytë me Kategorinë e Tretë:
Gramozi-Delvina ora 15:00
(Roza Haxhiu) – Lushnjë
