Maldini jep lajmin e madh, Theo Hernandez rinovon me Milanin

Paolo Maldini ka dhënë një lajm të mirë për tifozët e Milanit. Mbrojtësi Theo Hernandez do të nënshkruajë kontratën e re, edhe pse është përfolur shumë si objektiv i Chelsea.

Drejtori Paolo Maldini, para ndeshjes me Juventusin, mes të tjerash ka deklaruar: “Theo Hernandez do të zgjatë kontratën në ditët e ardhshme.

E kemi arritur marrëveshjen dhe është vetëm çështje kohe të takohemi me agjentin dhe të firmosim të gjitha letrat”.

Theo do të nënshkruajë për pesë vite dhe sigurisht që do të ketë një rritje të ndjeshme të pagës, që e ka fituar me paraqitjet e tij në fushën e blertë. / oversport.tv