Shqipëria luan sezonin kualifikues në 3 ditë. Më 9 tetor, kuqezinjtë do të udhëtojnë në Hungarinë ku Myrto Uzuni është ende kampioni në fuqi me Ferencvaroshin dhe kryegolashënuesi i kampionëve në sezonin e fundit dhe 3 ditë më vonë, në “Air Albania Stadium”, inaugurohet tapeti i ri hibrid përballë Lewandowski & Co.
Për këtë të fundit, FSHF ka nxjerrë në shitje edhe biletat. Teksa Komiteti Teknik i Ekspertëve në vend ka refuzuar shtimin e kapacitetit të lejuar të tifozëve në stadiume, FSHF ka hapur tribunat për tifozët e lejuar, të cilët nuk do të jenë më tepër sesa 30%.
Çmimet e biletave variojnë nga 1000 lekë të rinj deri në 18000 lekë të rinj, në sektorin shumë të rëndësishëm të tribunës, ku ndjekësit e këtij takimi kanë edhe mundësinë e një kateringu gjatë ndeshjes dhe në përfundim të saj.
Çmimi i një biletë në tribunën përballë në unazën ë fundit pranë fushës varion nga 1500 lekë në sektorët anësorë, pranë flamujve të këndit deri në 4000 lekë në sektorin që përkon me mesin e fushës.
Shqipëria gjendet në vend të dytë në grupin I (12 pikë), me vetëm 4 pikë më pak sesa Anglia (16) dhe duke lënë pas Poloninë (11) si dhe Hungarinë (10).
Tribuna Çmimi
V1 1000
N + S 1000
S këndore 101, 201, 202 1500
N këndore 106, 206, 207 1500
E këndore 101, 109, 201, 210, 211 1500
E 102, 108, 203, 209 2000
E 103, 107, 204, 208 3000
E 104, 105, 106, 205, 206, 207 4000
W2 101, 107 8000
W 102, 106 10000
Vip 2 W103 12000
Vip 1 W105, W104 18000
Çmimet janë në lekë të rinj
