Nata e “Mbretit Shqiptar”, Florian Marku fiton titullin “WBC Silver Interim Welter”

Florian Marku ka sfiduar Miguel Parra Ramirez për titullin vakant “WBC Silver Interim Welter” në arenën gjigante në stadiumin “Air Albania”, në një natë magjike boksi që është transmetuar live dhe ekskluzivisht në Oversport dhe Tibo në komentin e Alban Xhihanit dhe Bashkim Mërtirit.

Një ndeshje e fortë mes dy luftëtarëve të vërtetë është zhvilluar në ring dhe pas 10 raundeve asnjë nga boksierët nuk është dorëzuar.

I mbështetur nga fansat e shumtë kuqezi, “Mbreti Shqiptar” ka mposhtur rivalin meksikan me pikë, me vendim unanim (96-91, 96-91, 95-92) , ndeshjen e parë të zhvilluar në shtëpinë e tij, në sfidën më të rëndësishme të karrierës së tij, duke koleksionuar fitoren e 12-të në karrierë.

Meksikani ka nisur më mirë dy raundet e para, por Marku ka fituar terren dhe ka dominuar raundet pasardhëse. Pas përfundimit të 5 raundeve të para boksieri shqiptar kryesonte me pikë.

Vazhdon dominimi i bokserit shqiptar dhe pas raundit të nëntë Marku kryesonte me pikë në vlerësimet e të tre gjyqtarëve (77-72, 77-72, 75-74). Marku fiton dhe raundin e fundit dhe bashkë me të edhe titullin “WBC Silver Interim Welter”. / Oversport.tv