Mick Schumacher do të garojë në Formula 1 edhe sezonin e ardhshëm. Piloti gjerman, djali i legjendarit Michael, është konfirmuar nga skuadra amerikane Haas edhe për vitin tjetër.
“Të jem një nga 20 pilotët që garojnë në Formula 1 do të thotë shumë për mua. Po jetoj ëndrrën time. Viti im i parë tek skuadra Haas ka qënë deri këtu shumë emocionues dhe instruktiv.
Jam i sigurtë se ato që kam mësuar këtë vit, do të më shërbejnë shumë në vitin 2022 kur do të hyjnë në fuqi rregullat e reja. Duke marrë në konsideratë ambicjet e skuadrës Haas dhe ndihmën e Ferrarit, jam i bindur se vitin e ardhshëm do të jemi më të fortë dhe do të luftojmë për t’u futur në zonën e pikëve.
Kjo skuadër po bëhet gjithmonë e më e fortë dhe mezi pres që të jap kontributin tim që ta ngjis sa më lart në renditje”-ka deklaruar Schumacher Junior. Shoku i skuadrës do të jetë sërish rusi Nikita Mazepin. /Oversport.tv
We are delighted to confirm that @SchumacherMick and @nikita_mazepin will continue as our driver line-up in 2022 🤝#HaasF1 pic.twitter.com/EBcacDLfuC
— Haas F1 Team (@HaasF1Team) September 23, 2021
