Në pritje të vendimit zyrtar, Djokovic mëson kundërshtarin në Australian Open

Novak Djokovic vazhdon të stërvitet në pritje të vendimit zyrtar nëse mund të vazhdojë të qëndrojë në Melburn dhe të marrë pjesë në turneun Australian Open, sepse Ministria e Emigracionit mund ti revokojë vizën.

Ministri i Emigracionit, Alex Hawke ka thënë se nuk do të marrë asnjë vendim gjatë ditës së sotme, duke zvarritur akoma më shumë këtë çështje, që tashmë ka hyrë në ditën e shtatë.

Ndërkohë, ndonëse me shumë vonesë, është hedhur shorti i Australian Open, që do të startojë në 17 janar në Melburn.

Në pritje të vendimit të shtetit australian, tenisti serb është përfshirë në turne, si koka e serisë. Ai do të luajë me bashkatdhetarin Miomir Kecmanovic në turin e parë të turneut. / Oversport.tv