Një gjahtar i vërtetë golash, Ronaldo vendos një tjetër rekord të ri

Nuk kanë fund rekordet që vendos Cristiano Ronaldo në futbollin europian. Ylli portugez ka shënuar një tregolësh në fitoren 3-2 të Manchester United përballë Norwich në “Old Trafford”.

Sulmuesi është ngjitur në kuotën e 21 golave të shënuar në të gjitha kompeticionet me fanellën e “djajve të kuq” këtë sezon.

Por ajo që është më e rëndësishmja, sipas asaj që shkruan “Opta”, Ronaldo arrin të shënojë 20 ose më shumë gola me klubet në të gjitha kompeticionet për të 16-tin sezon radhazi. Një detaj që tregon vazhdimësinë e portugezit dhe nuhatjen e tij për gola.

Portugezi ka shënuar tregolëshin e 60-të në karrierë si dhe golin numër 58-të në karrierë direkt nga një goditje dënimi./ Oversport.tv

Foto: Manchester United