Mjafton të shikosh një ndeshje të ekipit që trajnon ai për të kuptuar se Antonio Conte është një trajner me dorë të hekurt. Tekniku italian njihet për ashpërsinë e tij me lojtarët dhe faktin që nuk i kursen aspak kritikat për këdo, si në mënyrë private ashtu edhe në publik.
Në çdo skuadër që ka qenë, Antonio Conte është konflikuar me drejtuesit e klubit kur nuk i kanë plotësuar dëshirat. Gjithashtu te Juventusi, shumë lojtarë me peshë kanë thënë që përballë Contes është shumë e vështirë të kesh një sjellje jo korrekte.
Rasti i fundit vjen nga Tottenhami, ku braziliani Richarlison tregon një histori për egërsinë e trajnerit italian. Ai shprehet në një intervistë për “Que Papinho” se Conte shpenzoi në një rast 2 orë rresht për ta qortuar në sy të të gjithë shokëve të skuadrës.
“Unë bëra një gabim duke dhënë një intervistë ku i kërkoja atij të luaja më shumë. Më pas i kërkova ndjesë dhe i thashë se mund të më ndëshkonte. Më përgjigjet menjëherë se shefi ishte ai. Ishte mënyra e tij për t’i bërë gjërat. Conte ishte një rreshter i hekurt. Ai shpenzoi dy orë me radhë duke më bërtitur në sy të të gjithë shokëve në një takim”, përfundoi Richarlison në intervistën e tij. /oversport.tv
