Në një intervistë të dhënë për drejtorin e Departamentit të Sportit në Oversport, Alban Xhihani, në ambientet e stadiumit “Allianz” të Torinos, presidenti i Oversport, Massimiliano Rubin, ka folur për projektin e ri dhe ambiciet që ka platforma që ai drejton për t’u bërë lider në transmetimet sportive në Shqipëri dhe jo vetëm.
View this post on Instagram
Ndonëse është vetëm fillimi, sezoni mund të quhet i fituar nga Oversport, që me teknologjinë më të re në treg, transmeton ekskluzivisht Serie A në Shqipëri dhe Kosovë.
Çfarë ju sjell më shumë teleshikuesve Oversport?
Oversport sjell diçka të re, jo vetëm për Shqipërinë, por edhe në përgjithësi. Sjell kontaktin direkt nga fusha e blertë, kontaktin me lojtarët, emocionet që përjeton në stadium dhe këto ua transmeton teleshikuesve.
Është vetëm fillimi i një aventure të re, një risi absolute për Shqipërinë, po kush janë ambiciet e Oversport?
Oversporti do të bëhet një platformë gjithëpërfshirëse për të gjithë botën e sportit, jo vetëm për futbollin, jo vetëm për Serie A, por për të gjithë sportin në përgjithësi. Një planet ku mund të gjendet gjithçka për tifozët, për mbështetësit e skuadrave, por edhe për klubet, që mund të thonë opinionet e tyre.
Kush e fiton kampionatin italian këtë sezon?
Një pyetje shumë e bukur. Skuadra më e mirë. Gjithmonë skuadra më e mirë.
Duhet të thoni një emër skuadre?
Nuk po përgjigjem si tifoz, por si drejtor i përgjithshëm do të them sërish Interi.
