Pioli: Shpresoj që të qëndroj gjatë te Milani, Tonali e ardhmja kuqezi

Stefano Pioli ka marrë një vlerësim të madh, pasi ka fituat Çmimin Liedholm 2021. “Do të qëndroj gjatë te Milani? Uroj që po. Kam një ndjesi pozitive që nga dita e parë, kemi krijuar një marrëdhënie të shkëlqyer me të gjithë.

Jemi mirë bashkë dhe shkojmë të gjithë në të njëjtin drejtim. Kjo është shumë e rëndësishme. Të drejtoj kombëtaren? Në të ardhmen ndoshta, por në këto momente dua të qëndroj në fushë”, ka thënë trajneri i Milanit.

“Unë besoj se gjeja më e rëndësishme është që të jesh gjithmonë vetvetja. Unë jap gjithçka në atë që bëj. Në futboll nuk është e lehtë që të gjesh ekuilibra. Ky Milan është i ri, ka nevojë për kohë që të rritet, madje edhe të gabojë që të bëhet një skuadër e madhe”, ka shtuar tekniku kuqezi.

Fjalë shumë të mira për Tonalin: “Është një talent i madh. Ka gjithçka për tu bërë një lojtar i madh dhe një flamur i Milanit”.

“Futbolli ka ndryshuar shumë. Duhet të shfrytëzosh çdo moment për të rritur lojtarin si individualisht edhe në grup. Të luash çdo tre ditë nuk është e lehtë, është e vështirë sidomos në aspektin mendor. Për fat të mirë stërvis një skuadër që ka shumë të dëshirë të bëjë mirë”, ka përfunduar Pioli. / Oversport.tv