Presidenti i Salernitanës motivon skuadrën, super shpërblim për mbijetesën

Salernitana ka zhvilluar një fazë të dytë spektakolare, ku ka arritur të grumbullojë 20 pikë dhe tashmë është shumë pranë mbijetesës në Serie A.

Për të arritur këtë objektiv skuadra e teknikut Nicola duhet të kalojë me sukses edhe Udinesen në ndeshjen e fundit të kampionatit që të mund të festojë qëndrimin në elitën e futbollit italian.

Për të motivuar skuadrën, presidenti Danilo Iervolino ka vendosur një shpërblim të majmë për lojtarët nëse arrihet ky objektiv:

“Do të ketë një super premio për mbijetesën, rreth 7 milionë euro. Futbollistët duhet të ndjejnë se klubi ka besim te ata. Nëse arrihet shpëtimi le ta zgjedhin vetë se si do të ndajnë shpërblimin”, ka thënë presidenti i Salernitënës për “Corriere dello Sport”. / Oversport.tv

Foto: US Salernitana 1919 Twitter