Roma vjen në Tiranë, në finalen e 25 majit në “Air Albania” e pret Feyenoord

Në një “Olimpico” të mbushur plot, Roma ka mposhtur 1-0 Leicester dhe ka siguruar një vend në finalen e Conference League, që do të zhvillohet në 25 maj në Tiranë.

Abraham ka qenë heroi i skuadrës verdhekuqe, pasi ka shënuar golin e vetëm të takimit në minutat e para të sfidës. Anglezët u munduan të reagojnë, por Roma menaxhoi shumë mirë avantazhin e krijuar.

Në “Air Albania” në 25 maj përballë skuadrës së Mourinhos do të jetë Feyenoord, që falë fitores 3-2 në ndeshjen e parë në Roterdam, shkon në finalen e madhe të Conference League.

Sfida e “Velodrome” është mbyllur pa gola, ndonëse Marseille ka kërkuar deri në minutat e fundit që të zhbllokonte këtë sfide. /Oversport.tv

Foto: AS Roma Twitter

Conference League- Gjysmëfinale / Ndeshjet e kthimit

Roma- Leicester 1-0

Abraham 11’

Marseille- Feyenoord 0-0