Spalletti gjen edhe një tjetër mesfushor, Zielinski shërohet nga Covid-19

Dy tamponë negativë. Te Napoli kanë filluar të qetësohen disi nga Covid-19. Ekipi i Spallettit po fillon të rimarr formën e mëparshme ku kishte në dispozicion të gjithë lojtarët.

I fundit që ka rezultuar negativ ndaj Covid-19 është mesfushori polak, Piotr Zielinski. Lajmin e konfirmoi vetë klubi i Napolit nëpërmjet një komunikate zyrtare në mediat sociale.

“Zielinski rezulton negativ ndaj Covid-19. Lojtari bëri një tampon të dytë kontrolli, pas atij të djeshëm dhe që të dy dhanë rezultate negative”, shkruhej në komunikatën e Napolit. /oversport.tv