Novak Djokovic, numri një në Botë në tenis ka deklaruar përmes një postimi në Instagram se nuk do të marrë pjesë në turneun “Indian Wells”, Masteri 1000 i parafundit i sezonit 2021, që është programuar të zhvillohet nga data 4 deri në 17 tetor në Kaliforni.
“Më vjen keq që nuk mund të shoh fansat dhe të luaj në shkretëtirë, vendi im i preferuar. Shpresoj të kthehem vitin që vjen”, ka qënë komenti i shkurtër i tenistit serb në profilin e tij.
Djokovic nuk saktëson arsyet e mungesës, por pasi nuk arriti të triumfojë në US Open, ku u mund në finale nga Medvedev, mund të qëndrojë pak kohë pushim për të “karikuar” energjitë.
Roger Federer dhe Rafa Nadal kishin deklaruar me kohë mungesën e tyre në “Indian Wells” dhe tashmë në turneun kalifornian do të mungojë edhe një tjetër yll i sportit të tenisit, si Novak Djokovic. / Oversport.tv
