Umtiti ul pagën dhe rinovon me Barcelonën, klubi regjistron edhe Ferran Torres

Merkatoja e Barcelonës është zhbllokuar falë një rinovimi. Tashmë është zyrtare që Samuel Umtiti ka rinovuar me Barcelonën deri në vitin 2026.

Lajmin e ka konfirmuar vetë klubi katalanas nëpërmjet një komunikate zyrtare në media. Në të shkruhet se kontrata e re do ta mbajë të lidhur mbrojtësin francez deri në 30 qershor të vitit 2026.

Ajo që e ka ndihmuar Barcelonën nga ky rinovim është se Umtiti pranoi një rrogë të reduktuar nga klubi. Si rrjedhojë, katalanasit duke u bazuar edhe në kushtet e Fair Play Financiar, kanë regjistruar blerjen e tyre të re, Ferran Torres, i cili tashmë pritet të jetë në gjendje të aktivizohet nën urdhrat e Xavit. /oversport.tv