Hellas Verona i rikthehet “fiksimit” të trajnerëve krotavë. Dy sezonet e fundit Ivan Juric bëri një punë shumë të mirë, ndërsa me largimin e tij në stol u ul Eusebio Di Francesco.
Ky i fundit u shkarkua sot, pas tre humbjeve të pësuara në kampionat. Igor Tudor ishte trajneri i parë që u kontaktua dhe u arrit marrëveshja për të firmosur deri në fund të sezonit, çka është bërë edhe zyrtare.
L'ufficialità 👇https://t.co/Hc9U1WNBCu
— Hellas Verona FC (@HellasVeronaFC) September 14, 2021
Kroati sezonin e shkuar ishte ndihmës i Andrea Pirlos te Juventusi, ndërkohë që në Serie A më parë ka drejtuar Udinesen.
Tudor karrierën si trajner e ka nisur në vitin 2013, kur drejtoi për herë të parë Hajduk Split në vendlindje.
Më pas kaloi në Greqi në krye të PAOK, kurse në Turqi ka qenë trajner i Karabukspor dhe Galatasaray. / oversport.tv
