Zyrtare: RB Leipzig i beson stolin Domenico Tedescos

RB Leipzig ka gjetur menjëherë zëvendësuesin e trajnerit të shkarkuar Jesse Marsch, duke vendosur në krye të skuadrës ish-trajnerin e Schalkes, Domenico Tedesco.

Leipzig shkarkoi amerikanin Marsch pas humbjes 2-1 në kampionat përballë Union Berlinit dhe arriti  një fitore të rëndësishme në mesjavë në Champions përballë Manchester City, nën drejtimin e trajnerit të përkohshëm Achim Beierlorzer.

36-vjeçari Tedesco rikthehet në Bundesligë, pasi ka kaluar 2 vite në Rusi në drejtimin e Spartak Moscow. I lindur në Itali dhe i rritur në Gjermani, Tedesco ka nisur shumë mirë karrierën e tij si trajner.

Ai ka drejtuar Erzgebirge Aue në vitin 2017 dhe shpëtoi skuadrën nga rënia. Vetëm 31 vjeç, ai mori drejtimin e Schalkes sezonin pasardhës dhe zuri vendin e dytë në Bundesligë. /Oversport.tv